افغانستان میں امن ہماری اولین ترجیح ہے ، وزیرخارجہ

135

وزیرخارجہ شاہ محمود قریشی نے کہا ہے کہ افغانستان میں امن ہماری اولین ترجیح ہے ۔

تفصیلات کے مطابق وزیرخارجہ شاہ محمودقریشی نے اپنے ایک  بیان میں کہا کہ پاکستان کشمیریوں کی سیاسی، سفارتی واخلاقی معاونت جارے رکھنے کے لیے پرعزم ہے، کشمیریوں کے حق خودارادیت کے حصول کی جدوجہد میں شانہ بشانہ ساتھ کھڑے ہیں۔

 وزیرخارجہ کا کہنا تھا کہ مقبوضہ کشمیر کے باسیوں کی مشکلات کو عالمی سطح پر اجاگر کرنے کے لیے کوشاں ہیں، قابض بھارتی افواج کے ظلم وستم اور جنگی جرائم کے ناقابل تردید شواہد پرمبنی ڈوزیردنیا کے سامنے رکھے۔

شاہ محمودقریشی کا یہ کہنا تھا کہ افغانستان میں امن ہماری اولین ترجیح ہے جبکہ افغانستان میں امن ہوگا تو خطہ میں امن ہوگا ۔ پاکستان افغان امن عمل سمیت خطہ میں امن واستحکام کے لیے کوشش جاری رکھے گا۔

وزیرخارجہ نے کہا کہ ملتان. افغانستان میں قیام امن کی ہماری کاوشیں دنیا دیکھ رہی ہے، مظلوم کشمیریوں کو بھارتی قابض افواج سے نجات دلانے کے لیے عالمی برادری کو آگے آنا ہوگا۔

 شاہ محمودقریشی کا کہنا تھا کہ کورونا وبا ء نے دنیا کی طاقتور معیشت کو بری طرح متاثر کیا، خطےمیں دیر پا امن کے لیے عالمی برادری کو اپنا مثبت کردار ادا کرنا ہوگا۔

وزیرخارجہ  نےکہا کہ پاکستانی معیشت حوصلہ افزا معاشی اعشاریوں سے ترقی کی راہ پر گامزن ہے، پاکستانی قوم دہشتگری, کورونا جیسے چیلنجز پرقابو پاکر مضبوط قوم ابھری ہے۔

 شاہ محمودقریشی ن ے یہ بھی کہا کہ پاکستان دنیا میں ایک خوشحال ملک کے طور پر ابھر رہا ہے جبکہ ملک میں زرعی اور درآمدات کے شعبہ میں نمایا ترقی ہورہی ہے۔ حکومت کی موثر پالیسیوں کی بدولت پاکستان کی ترقی عوامی مفاد میں جاری رہے گی۔

وزیرخارجہ شاہ محمودقریشی نے مزید کہا کہ بیرون ملک مقیم پاکستانی کیمونٹی کی فلاح وبہبود ہماری اولین ترجیح ہے ، ہمارے سفارت خانے بیرون ملک مقیم پاکستانیوں کو درپیش مسائل کے حل کے لیے کوشاں ہیں۔

Comments are closed.

Subscribe to Newsletter
close-link